NÓS
____________________________________________
Neutro Applications é unha empresa formada por profesionais de carácter multidisciplinar con ampla experiencia no eido da acuicultura. Compoñemos un equipo técnico heteroxéneo de alto valor abranguendo campos como a bioloxía, enxeñería, arquitectura, construción… ao que sumámo-la valiosa experiencia derivada do traballo de investigación e produción acuícolas. A combinación dos nosos coñecementos en materia de prevención de patóxenos e eliminación de enfermidades, a aplicación de procesos de enxeñería e bioloxía acuícolas e a definición de sistemas hidráulicos e construtivos fiables levounos tanto ao deseño integral de granxas libres de patóxenos como á implementación e fabricación dos equipos e sistemas necesarios para a súa correcta operatividade (plantas de tratamento de auga, sistemas de redes, tanques de cultivo, sistemas de monitoraxe…).
O resultado dos nosos procesos de traballo e investigación conduciunos ao desenvolvemento e construción do noso propio e único RAS, o cal obtivo brillantes resultados no que respecta á produción de diferentes cultivos mariños.
Os sistemas de Neutro Applications son o resultado dun importante traballo de investigación e desenvolvemento, o cal mantemos en constante evolución co fin de satisface-las necesidades dos nosos clientes na resolución de calquera dos seus problemas de produción. Como parte do noso compromiso coa tecnoloxía de vangarda, a I+D é un alicerce fundamental no traballo da nosa empresa, considerada como un dos nosos activos máis valiosos e como o factor que nos permite medrar e marca-la diferenza respecto doutras empresas do noso sector. Isto permítenos ofrecer con éxito servizos de consultoría aos nosos clientes de xeito integral en calquera das súas necesidades, por complexas ou especiais que estas resulten.
A nosa actitude e a nosa mente mantense orientada cara á innovación como valor propio dunha empresa en constante crecemento. Isto permítenos facer fronte en cada proxecto a calquera novo desafío exposto polos nosos clientes co permanente obxectivo de consegui-lo seu éxito.
Como resultado dos traballos singulares realizados, enfrontándonos a retos de alta esixencia técnica, e do know-how do que dispoñemos, traballamos distintas disciplinas asociadas: hidrodinámica, tecnoloxía de materiais, construción en plásticos técnicos, resistencias químicas e durabilidade de materiais, prevención de enfermidades, desinfección de auga e microbioloxía, bioloxía de animais mariños, xestión de plantas de produción, química da auga, deseño de tanques… En xeral, un sólido coñecemento dos distintos campos que conforman a acuicultura.
Como empresa altamente tecnificada e experta no mantemento de organismos acuáticos, estamos en disposición de ofrece-los nosos servizos con total confianza á hora de atopar solucións a calquera problema relacionado con este campo e tamén de ofrecer modificacións ou novos deseños que catalicen a produción en beneficio dos nosos clientes.
Na actualidade, Neutro Applications desenvolve traballos a nivel internacional. Témo-las ferramentas, o coñecemento e as capacidades para levar a cabo con éxito obras en calquera lugar do mundo.
¿Podémoste axudar?
